I Premios Luis Freire de Micoloxía
I Premios Luis Freire de Micoloxía (Curso 2026–2027)
O Grupo Micolóxico Galego "Luis Freire" convoca a primeira edición dos Premios Luis Freire de Micoloxía, unha iniciativa dirixida a centros educativos públicos co obxectivo de achegar a micoloxía á mocidade e fomentar o interese polos fungos desde os ámbitos científico, creativo e educativo.
O certame está aberto a alumnado de ESO, Bacharelato e Formación Profesional, e contará con diferentes modalidades de participación relacionadas coa divulgación, a creación artística e a investigación micolóxica.
Nesta sección poderá consultarse toda a información relacionada coa convocatoria, incluíndo as bases, calendario, documentación e formulario de inscrición.
Bases do concurso
I PREMIOS LUIS FREIRE DE MICOLOXÍA — Curso académico 2026–2027
1. Obxectivo.
Achegar a micoloxía á mocidade e fomentar o interese polos fungos desde o punto de vista científico, creativo e educativo.
2. Participantes.
Pode participar alumnado de:
- ESO
- Bacharelato
- FP Básica
- FP Grao Medio
Cada grupo presentará un único proxecto, coordinado polo persoal docente responsable, que será o contacto coa organización.
3. Premios.
- 1º premio: 350 € para o departamento do centro
- 2º premio: 150 € para o departamento do centro
- 3º premio: lote de libros de micoloxía
Todo o alumnado e profesorado recibirá diploma. Haberá diploma especial para os gañadores/as.
4. Modalidades.
Haberá unha única categoría con tres opcións:
- Traballo bibliográfico: investigación sobre fungos, diversidade ou figuras destacadas.
- Traballo artístico: carteis, maquetas, ilustracións ou creacións plásticas relacionadas coa micoloxía.
- Traballo de investigación: proxectos científicos (micodiversidade, cultivo, aplicacións, microscopía, etc.).
5. Inscrición.
Prazo: ata o 30 de outubro de 2026. Enviar unha ficha por grupo ao correo grupomicoloxicogalego@gmail.com ou mediante o formulario web.
6. Entrega dos traballos.
Os traballos deben ser orixinais e inéditos. Poden presentarse en formato físico ou dixital. A organización poderá rexeitar proxectos que non cumpran as bases.
7. Seguimento.
Haberá dúas revisións:
- 1ª: 1–15 de xaneiro de 2027
- 2ª: última semana de abril de 2027
O profesorado responsable comunicará os avances. Haberá asesoramento por correo electrónico. A supervisión correrá a cargo do equipo de micoloxía do GMG ou de persoas por este designadas.
8. Clausura.
Realizarase unha xornada presencial de entrega de premios. Os proxectos difundiranse nas redes sociais do GMG. As publicacións deben incluír o Logotipo GMG "Luis Freire" e o hashtag #PremiosLuisFreire2627. Os traballos gañadores publicaranse na revista Mykes.
9. Calendario.
- Inscrición: ata 30 outubro 2026
- 1ª revisión: 1–15 xaneiro 2027
- 2ª revisión: última semana abril 2027
- Entrega final: 10 maio 2027
- Clausura: arredor do 5 de xuño
10. Protección de datos.
Os datos persoais trataranse de forma confidencial e só para a xestión e difusión do concurso, segundo a normativa vixente.
Formulario de inscrición
Formulario dispoñible proximamente.
Mentres tanto, podes enviar a túa inscrición ao correo grupomicoloxicogalego@gmail.com.